आरती प्रभू
समईच्या शुभ्र कळ्या - आरती प्रभू
केसातच फुललेली जाई पायांशी पडते!
भिवयांच्या फडफडी, दिठीच्याही मागे-पुढे;
मागे मागे राहिलेले माझे माहेरे बापुडे!
साचणा-या आसवांना पेंग येते चांदणीची;
आजकाल झाले आहे विसराळू मुलखाची!
थोडी फुले माळू नये, डोळा पाणी लावू नये;
पदराच्या किनारीला शिवू शिवू ऊन ग ये!
हसशील, हास मला, मला हसूही सोसेना;
अश्रू झाला आहे खोल, चंद्र होणार का दुणा!
कवी : आरती प्रभू