मतलबी रे मानसा,
तुले फार हाव
तुझी हाकाकेल आशा
.
मानसा मानसा,
तुझी नियत बेकार
तुझ्याहून बरं
गोठ्यांतलं जनावर
.
भरला डाडोर
भूलीसनी जातो सूद
खाईसनी चारा
गायम्हैस देते दूध
.
मतलबासाठीं
मान मानूस डोलये
इमानाच्यासाठीं
कुत्रा शेंपूट हालये
.
मानसा मानसा,
कधीं व्हशीन मानूस
लोभासाठी झाला
मानसाचा रे कानूस !
टिप्पणी पोस्ट करा
1 टिप्पण्या
बहिणाबाईंची ही आशयघन व बोधपुर्ण कविता उपलब्ध करून दिल्याबद्दल मी आपला खूप खूप ऋणी आहे.
उत्तर द्याहटवाशाहीर तुळशीराम जाधव, संगमनेर