चार पावलं सोबत....

चार पावलं सोबत चालत जाऊ
तुझे आणि माझे सूर कुठवर जुळतात पाहू...
अर्थात जमत असेल तर चल मी आग्रह करणार नाही
आज तरी "तुला यावच लागेल, असा हट्ट ही धरणार नाही
पण मनातल्या मनात कुढण्यापेक्षा व्यक्त करणं बरं असतं
कारण इथून तिथून ऐकलेलं सारंच काही खरं नसतं
कुणी कुणाला का आवडावं हे सांगता येत नाही
चार चौघांना विचारून कुणी हृदय देत नाही
तसंच काहीसं माझं झालं त्याच धुंदीत प्रपोज केलं
जवळ अशी कधी नव्हतीसंच प्रपोज ने आणखीच दुर नेलं
जे झालं ते वाईट झालं पण झालं ते बरंच झालं
जाऊ दे,
झालं गेलं ते विसरून जा मागे न वळता चालत राह
मला विसर असं मी म्हणणार नाही
पण तू तो प्रयत्न करून पाहा..
थांब ....
  इथून पुढं मला एकट्यालाच जायचंय
पण धन्यवाद ; तू इथवर आलीस...
सारं आयुष्य नसलीस तरी चार पावलं माझी झालीस...
..........अनामिक